Virxe do mar
Santuario de Pastoriza
En Pastoriza, e do mesmo xeito que noutros moitos templos de Galicia, teñen campás de barcos naufragados. Son donativos de mariñeiros en agradecemento á intercesión divina, a labores de salvamento ou mesmo agasallos de chatarreiros. Na Idade Moderna, os santuarios da Barca (Muxía) e Pastoriza eran os máis avogosos para os navegantes. Neste último atópase a campá dun barco alemán sobre a que se le a inscrición «Kurfüst Hamburg».
O Santuario da Virxe de Pastoriza é un templo mariano que mira ao mar. A súa historia está ligada ao reino suevo de Galicia, ao ataque corsario de Francis Drake (s. XVI) á Coruña, a restos de naufraxios descoñecidos, a un capitán que mandou a súa reconstrución ou á escritora Emilia Pardo Bazán, que recuperou a historia e peregrinación relixiosa ao lugar (cada 29 de setembro) tras escribir o libro “La leyenda de La Pastoriza” (1887).
Altar exterior. A escultura da virxe álzase sobre un peñasco situado monte arriba, por centos de metros do templo, mirando ao Golfo Ártabro e ao Atlántico.
GALERÍA
LOCALIZACIÓN