Skip to content

Roteiro dos naufraxios

LITORAL DE CAMARIÑAS

Camariñas ten un lugar central na historia da Costa da Morte, e especialmente na historia dos naufraxios, con máis de medio centenar de sucesos rexistrados este tramo de costa. Todos foron recolleitos e documentados no Roteiro dos naufraxios a través das novas tecnoloxías e a realidade aumentada.

O percorrido, duns 23 quilómetros, comeza en Camelle e termina nas ruínas do castelo de O Soberano (núcleo urbano de Camariñas) pasando por lugares tan emblemáticos como Arou, Santa Mariña, a duna do monte Branco -onde se conserva o arbusto endémico da caramiña que dá nome ao municipio-, a enseada de Trece e punta do Boi, lugar do naufraxio do H.M.S. Serpent, ou o Cemiterio dos Ingleses, onde están enterradas a maioría das vítimas.

Curiosos son os nomes que o mar da á terra. Neste tramo de litoral, tan agreste e impoñente como espectacular atópase o illote de Laxe dos Defuntos, moi preto de punta do Boi. Se levas un mapa, localízao!

GALERÍA

LOCALIZACIÓN