O vapor inglés Tunstall embarrancou ás dúas da madrugada do 18 de agosto de 1885 por mor da néboa e un erro na súa situación. A tripulación, formada por 35 persoas, púxose a salvo nos botes salvavidas nos que chegaron á Coruña.
Era un buque de nova construción que facía a súa viaxe inaugural entre Londres e China con 4.000 toneladas de carga xeral na que destacaban vigas e produtos de ferro manufacturados.
Características do Tunstall
Vapor tipo compound de 2.000 toneladas de peso e casco de aceiro.
Construído en 1885 por Short Bros, Pallion, Nº 161.