RHINOCEROS
- Nome: Rhinoceros
- Tipo de barco: barcaza sen propulsión, 1.000 TRB.
- Bandeira: Noruega
- Data afundimento: 19 de febreiro de 1923
- Causa: embarrancado
- Lugar: O Cabalo, punta Pragueira (A Coruña)
- Nivel de mergullo: avanzado
- Territorio GALP: Golfo Ártabro
HISTORIA
Perdas humanas por mor da burocracia
O Rhinoceros era unha gabarra sen propulsión construída en formigón armado. Navegaba a remolque do buque da mesma compañía T. H. Skogland, con rumbo a Río de Janeiro (Brasil) para apoiar a actividade da compañía naquel porto. Como consecuencia dun forte temporal rompeu o remolque quedando á deriva e estrelándose o 19 de febreiro de 1923 fronte a punta Pragueira (A Coruña).
O capitán do buque remolcador enviara unha radiomensaxe ás sete da tarde do mesmo día 19 pedindo auxilio por perder a barcaza con sete homes a bordo. Dilacións burocráticas na transmisión destas mensaxes impediu tomar medidas que puidesen auxiliar a todos os tripulantes.
Aproximadamente, á unha da madrugada un único sobrevivente presentouse na estación de policía dando conta do naufraxio. Só ás sete da mañá do día 20 puideron partir os vapores pesqueiros Zorrilla Nº1 e 2 á zona de punta Herminia á procura de sobreviventes ou, máis plausible, de cadáveres.
O buque remolcador naufragou o día 21 de febreiro nas Serralleiras, Baiona (Pontevedra).
Referencias:
GONZÁLEZ FERNÁNDEZ, X. M. (CO.) 1999. www.wrecksite.eu. La Voz de Galicia
GALERÍA