Nil
- Nome: Nil
- Tipo de barco: vapor mercante
- Bandeira: Francia
- Data afundimento: 10 de outubro de 1927
- Causa: embarrancado, néboa
- Lugar: praia de Arou (Camariñas). Por localizar
- Nivel de mergullo: –
- Territorio GALP: Costa da Morte
HISTORIA
A pillaxe non temeu á néboa
Embarrancado como consecuencia dunha densa néboa que cubría toda a costa galega, o barco, desorientado, fondeou nunha zona de cinco metros de profundidade desde onde pediu auxilio por descoñecer a súa situación. A bordo viaxaban 20 tripulantes e 12 pasaxeiros; todos se salvaron.
Nun primeiro momento, a valiosa carga do Nil foi collida polos veciños que acudiron en masa á praia de Arou. Había automóbiles, maquinaria, tea, seda, produtos químicos, farmacéuticos, fariña, champaña e cemento que viaxaban de Bordeus (Francia) a Dakar (Senegal) e Bathrust (Gambia).
O capitán do Nil, Huarsch, chegou a disparar coa súa pistola a un grupo de persoas, lesionando a unha delas. Mesmo se houbo de botar man de dous vapores de pesca para que, a bordo, as autoridades puxesen garda sobre o naufraxio. O día 21, desde Ferrol despachouse ao cañonero Dato para protexer o barco afundido da pillaxe.
A Garda Civil e os carabineiros pronto comezaron a aprehender mercadorías que xa estaban no circuíto comercial da comarca. Finalmente, a carga foi recuperada e o Nil, despezado.
Características
Vapor, tripla expansión, 10 nós, 2.769 TRB, 91,4 x 13,4 m.
Construído: 1920, Pusey & Jones, Wilmington (Delaware) Nº1012. Casco de aceiro.
GALERÍA
