EMILIE LOUIS DREYFUSS
- Nome: Emilie Louis Dreyfuss
- Tipo de barco: mercante, carga xeral
- Bandeira: Francia
- Data afundimento: 8 de outubro de 1927
- Causa: embarrancado
- Lugar: baixo de A Eira, enseada de Sardiñeiro (Corcubión)
- Nivel de mergullo: básico
- Territorio GALP: Costa da Morte
HISTORIA
Toda a carga foi recuperada
Debido á néboa, o Emilie Louis Dreyfuss confundiu a enseada de Sardiñeiro coa entrada á ría de Corcubión nun día de escasa visibilidade e embarrancou. Toda a carga de cobre foi recuperada e entre os seus 23 tripulantes non houbo que lamentar perdas humanas. Este buque foi intensamente despezado, polo que poucos restos quedan do seu pecio.
O Emilie Louis Dreyfuss pertencía a un tipo de construción estandarizado durante a Primeira Guerra Mundial, o denominado vapor clase A-type standard.
No momento do naufraxio, a compañía armadora era Louis Dreyfus & Co., de Dunkerque (Francia) e a anterior, entre 1917 – 1920 foi TSC – The Shipping Controller (WWI) (Londres) como War Thistle.
Características do Emilie Louis Dreyfuss
Vapor de tripla expansión, 517NHP, 11 nós. 125,6×15,8×7,6 m., 5030TRB. Casco de aceiro.
Construído: 1917, John Brown & Co. Ltd., Clydebank (Escocia).
GALERÍA