cimarrón
- Nome: Cimarrón
- Tipo de barco: pesqueiro, bou
- Bandeira: España
- Data afundimento: 17 de abril de 1945
- Causa: vía de auga, néboa
- Lugar: fronte ao monte de San Pedro (A Coruña)
- Nivel de mergullo: moi alto
- Territorio GALP: Golfo Ártabro
HISTORIA
Traxedia pesqueira fronte ao monte de San Pedro
No medio dunha densa néboa, regresaba á Coruña despois de faenar con 17 homes a bordo cando foi a estrelarse contra uns baixos no exterior das illas de San Pedro que lle abriron unha vía de auga. O choque foi á altura do pañol de carbón, o que limitou algo a entrada de auga. A pesar do esforzo dos seus tripulantes, non puido evitarse o progresivo anegamento. Do barco só se puido salvar a documentación perdendo a tripulación todos os seus efectos.
Os 17 membros da tripulación puideron poñerse a salvo nos botes para ser rescatados polo pesqueiro Josefa Insua.
Características
Construído en 1911 en Inglaterra por C.D. Holmes e Co. Hull, o pesqueiro Cimarrón tiña matrícula de Sevilla e base na Coruña. Os armadores eran Antonio Segret Iglesias e Pedro Ugidos.
GALERÍA